Njoftime për Shtyp

Regjistrohuni për lajmet e fundit nga ESO
eso1342sq — Publikim i Organizatës

Antena e fundit dërgohet tek ALMA — Tani të 66 antenat e ALMA-s ndodhen tek observatori

01 Tetor 2013: Antena e fundit e Rrejtit të Madh Milimetrik/nënmilimetrik të Atacama-s (ALMA) sapo u dërgua tek observatori. Parabola me diametër prej 12 metrash u ndërtua nga partneriteti Evropian AEM dhe gjithashtu shënon një dërgesë të suksesshme të 25 antenave Evropiane – kontrata më e madhe e ESO-s deri më sot.
Lexo më shumë
eso1341sq — Foto për publikim

Ndriçimi i Ftohtë i Yll-Formimit — Drita e parë e marrë me Kamerën e re të fuqishme tek APEX

25 Shtator 2013: Një instrument i ri i quajtur ArTeMiS është instaluar me sukses tek APEX – Atacama Pathfinder Experiment. APEX është një teleskop me diametër prej 12 metrash i vendosur lart në Shkretëtirën e Atacama-s, i cili punon në gjatësitë e valëve milimetrike dhe nënmilimetrike – ndërmjet infra të kuqes dhe valëve radio të spektrit elektromagnetik – një paisje kjo që i mundëson astronomëve të depërtojnë më thellë në Univers. Kamera e re na ka dhënë një pamje spektakolare e me shumë detaje të mjegullnajës “Cat’s Paw”.
Lexo më shumë
eso1340sq — Foto për publikim

Yje të rinj piqen në Mjegullnajën Prawn (Karkaleci i detit)

18 Shtator 2013: Grupi i ndritshëm i reve të gazit që shihet në këtë fotografi të re formon një vend ku lindin yje të rinj të quajtur Mjegullnaja Prawn. E marrë me Teleskopin Kërkimor VLT të ESO-s në Observatorin e Paranal-it në Kili. Kjo mund të jetë fotografia më e qartë që i është mëarrë ndonjëherë këtij objekti. Kjo tregon grupe yjesh të sapolindur të formuar brenda reve të gazit të cilat përbënë mjegullnajën.
Lexo më shumë
eso1339sq — Publikim shkencor

Një kikirik në zemër të Galaktikës sonë — Teleskopët e ESO-s krijojnë hartën më të mirë deri më sot të zonës së fryrë në qendrën e Rrugës së Qumështit

12 Shtator 2013: Dy grupe astronomësh kanë përdorur të dhëna nga teleskopët e ESO-s për të krijuar hartën më të mirë deri më sot të pjesës qendrore të Rrugës së Qumështit. Ata gjetën që zonat e brendshme kanë formën e kikirikut, ose formën e X-it, po të shihet nga disa drejtime. Kjo formë e çuditshme u përcaktua në hartë nga të dhënat publike nga teleskopi kërkimor VISTA i ESO-s së bashku me matjet e lëvizjeve të qindra yjeve shumë të dobët në fryrjen qëndrore të Galaktikës.
Lexo më shumë
eso1338sq — Publikim shkencor

Orientim i çuditshëm i Mjegullnajave Planetare

04 Shtator 2013: Astronomët kanë përdorur Teleskopin me Teknologji të re NTT së bashku me Teleskopin Hapsinor Hubble të NASA/ESA për të eksploruar mbi 100 mjegullnaja planetare në zonën qëndrore të galaktikës. Ata gjetën se objektet që kanë formën e fluturës janë të orientuara në të njëjtin drejtim nga shkaqe misterioze – një rezultat i papritur nëse marrim parasysh historitë e ndryshme të tyre si dhe karakteristikat e veçanta që kanë ato.
Lexo më shumë
eso1337sq — Publikim shkencor

Zbulohet ylli më i vjetër që i ngjason Diellit — VLT e ESO-s na jep të dhëna të reja për të na ndihmuar të zgjidhim misterin e litiumit

28 Gusht 2013: Një skuadër ndërkombëtare e drejtuar nga astronomët në Brazil ka përdorur Teleskopin Shumë të Madh të ESO-s për të identifikuar dhe studiuar yllin më të vjetër të ngjashëm me Diellin që njihet deri më sot. I pozicionuar 250 vite-dritë larg Tokës, Ylli HIP 102152 ngjason më shumë me Diellin nga yjet e ngjashëm me të – me përjashtim që ai është gati 4 miliard vjet më i vjetër. Ky binjak i vjetër gati identik me Diellin na jep neve për herë të parë mundësinë të shohim se si do të jetë Dielli jonë pas 4 miliard vitesh. Vëzhgimet gjithashtu na japin për herë të parë një lidhje të qartë midis moshës së Diellit dhe përqindjes së sasisë së Litiumit, dhe për më shumë na sugjeron që HIP 102152 mund të përmbajë planetë të ngurtë të ngjashëm me Tokën.
Lexo më shumë
eso1336sq — Foto për publikim

ALMA sheh nga afër lindjen e yllit

20 Gusht 2013: Astronomët duke përdorur Rrjetin e Madh Milimetrik/Nënmilimetrik në Atacama (ALMA) ka kapur këtë pamje të afruar e të qartë të materialit që del nga ylli i sapolindur. Duke parë tek ndriçimi që vjen nga molekulat e monoksidt të karbonit tek një objekt i quajtur Herbig-Haro 46/47 ata kanë zbuluar që shpërthimet e gazit që dalin nga ai janë më energjetike dhe më të magnetizuara nga sa u mendonte më parë. Pamjet shumë të detajuara kanë dalluar një shkulm gazi që nuk ishte vëzhguar më parë, i cili drejtohej komplet në një drejtim tjetër.
Lexo më shumë
eso1335sq — Foto për publikim

Dyshja e çuditshme — Dy re gazi shumë të ndryshme në galaktikën fqinje

07 Gusht 2013: Teleskopi Shumë i Madh i ESO-s ka bërë një foto të një zone intriguese yll-formuese në Renë e Madhe të Magelanit – një nga galaktikat satelite të Rrugës së Qumështit. Kjo pamje e qartë tregon dy re të veçanta gazi që ndriçojnë, NGC 2014 me ngjyrë të kuqe dhe fqinji i tij NGC 2020 me ngjyrë blu. Ndërkohë që ato janë shumë të ndryshme, atyre u ka dhënë formë era e fuqishme yjore nga yjet e sapolindur që janë shumë të nxehtë që gjithashtu rrezatojnë tek gazi duke e bërë atë të ndriçojë shumë.
Lexo më shumë
eso1334sq — Publikim shkencor

Nga yll-formim në erë-yjore — ALMA hedh dritë mbi misterin e mungesës së galaktikave të mëdha

24 Korrik 2013: Vëzhgimet e reja me teleskopin e ALMA-s në Kili u kanë dhënë astronomëve pamjen më të mirë të marrë deri më sot ku tregohet se me sa furi mund të largojë gazin nga galaktika procesi i formimit të yjeve duke pakësuar sasinë e lëndës që nevojitet për të formuar yjet e gjeneratave të ardhshme. Këto pamje shokuese tregojnë sasi të mëdha rrjedhjeje gazi molekular që nxirret nga zonat yll-formuese në Galaktikën e afërt të Skulptorit. Këto rezultate të reja ndihmojnë të kuptojmë numrin e pakët të galaktikave shumë të mëdha në Univers. Studimi u publikua në revistën “Nature” të datës 25 Korrik 2013.
Lexo më shumë
eso1333sq — Publikim shkencor

Borë në një Sistem Yjor të sapo formuar — Një vend i acartë ku formohen planetët dhe kometat

18 Korrik 2013: Një brez bore është fotografuar për herë të parë në një sistem diellor të largët. Vija e borës ndodhet në diskun me material që rrethon yllin e ngjashëm me Diellin tonë TW Hydrae, kjo ka premisa të na tregojë neve më shumë rreth formimit të planetëve dhe kometave, faktorët që vendosin në përbërjen e tyre, dhe në historinë e Sistemit Diellor. Rezultatet janë publikuar sot në “Science Express”.
Lexo më shumë
eso1332sq — Publikim shkencor

E ndarë në pjesë nga një vrimë e zezë — VLT vëzhgon në kohë reale afrimin e një reje gazi pranë një përbindëshi në qendrën e Rrugës së Qumështit

17 Korrik 2013: Vëzhgimet e reja nga Teleskopi Shumë i Madh i VLT-së tregojnë për herë të parë një re gazi që ndahet në pjesë nga një vrimë e zezë supermasive në qendër të galaktikës sonë. Reja tani është aq e zgjatur sa fillimi i saj ka kaluar pikën më të afërt dhe po largohet nga vrima e zezë me shpejtësi prej 10 milion km/orë, ndërkohë që pjesa tjetër po bie në drejtim të vrimës së zezë.
Lexo më shumë
eso1331sq — Publikim shkencor

Skanimi me ALMA-n zbulon një yll përbindësh që në embrion

10 Korrik 2013: Vëzhgimet e reja duke përdorur Rrjetin e Madh milimetrik/nënmilimetrik në Atacama (ALMA) u ka dhënë astronomëve pamjen më të mirë të marrë deri më sot të një ylli përbindësh në proces formimi brenda resë së errët që e rethon. Një zonë me masë mbi 500 herë masën e Diellit – më e madhja që është parë në Rrugën e Qumështit - dhe është akoma duke u rritur. Ylli embrionik brenda resë është i uritur duke u ushqyer me material që thithet me shpejtësi prej tij. Kjo re pritet ti japë jetë një ylli me masë deri në 100 herë më të madhe se masa e Diellit.
Lexo më shumë
eso1330sq — Publikim shkencor

Galaktikë duke u ushqyer e parë duke kërkuar tek drita e largët — Teleskopi Shumë i Madh i ESO-s heton evolimin e galaktikave

04 Korrik 2013: Astronomët duke përdorur Teleskopin Shumë të Madh të ESO-s kanë detektuar një galaktikë të largët duke ngrënë me uri gazin rrotull saj. Gazi shihet që bie në drejtim të galaktikës, duke krijuar një rrjedhje që nxit formimin e yjeve si dhe nxit rrotullimin e galaktikës. Kjo është prova e parë e vëzhguar direkt që suporton teorinë që galaktikat thithin materialin rrotull tyre duke u rritur në masë dhe të formojnë yje të rinj. Rezultatet do të shfaqen në revistën shkencore në numrin e datës 5 Korrik 2013.
Lexo më shumë
eso1329sq — Publikim i Organizatës

Premierë e IMAX® në mbarë botën, filmi në 3D “Universi i Fshehur” — Bileta juaj për tek yjet ndërmjet syve të teleskopëve më të fuqishëm të botës, për herë të parë të para në ekran dhe në 3D

01 Korrik 2013: Produkti “Universi i Fshehur” në 3D u publikua nga kinematë e IMAX® dhe nga kinematë gjigande rreth globit, me premierat në datën 28 Qershor 2013 tek Qendra Shkencore “Great Lakes” në Klivland, Ohajo, USA, dhe në datë 29 Qershor 2013 në Planetariumin “Tycho Brahe” në Kopenhagen, Danimarkë. Filmi tregon teleskopët e fjalës së fundit në resolucion të lartë kohor, versionet hipnotizuese në 3D të strukturave qiellore, dhe një simulacion në 3D i evolucionit të Universit.
Lexo më shumë
eso1328sq — Publikim shkencor

Tre Planetë në Zonën e Banueshme të një Ylli të Afërt — Një studim i ri i Gliese 667C

25 Qershor 2013: Një grup astronomësh kanë kombinuar vëzhgimet e reja të Gliese 667C me të dhënat ekzistuese nga HARPS të marra nga teleskopi 3.6 metra i ESO-s në Kili, dhe kanë zbuluar një system me të paktën 6 planetë. Duke thyer kështu një record. U vunë re se tre nga këto planetë janë super-Toka të vendosura në zonën rrotull yllit, vend ku uji mund të qëndrojë në gjendje të lëngët, ky fakt që rrit shanset për praninë e jetës në to. Ky është sistemi i parë i gjetur që ka të plotësuar kopmplet zonën e mundshme për banim rrotull një ylli.
Lexo më shumë
eso1327sq — Publikim shkencor

Surprizë prej pluhuri rreth një Vrime të Zezë Gjigande

20 Qershor 2013: Teleskopi Interferometrik Shumë i Madh ka mbledhur rezultatet më të detajuara të vrojtimeve që i janë bërë ndonjëherë pluhurit rrotull një vrime të zezë gjigande në qendër të një galaktike aktive. Në vend që ta gjenin të gjithë pluhurin ndriçues në zonën rreth vrimës së zezë astronomët gjetën një pjesë të madhe të tij në pjesën e sipërme dhe të poshtme të unazës prej pluhuri. Këto vrojtime treguan se pluhuri shtyhet nga vrima e zezë si një re e ftohtë – një gjetje surprizë, e cila sfidon teoritë e sotme dhe na tregon se si evolojnë dhe ndërveprojnë me mjedisin përreth vrimat e zeza supermasive.
Lexo më shumë
eso1326sq — Publikim shkencor

Zbulohet një lloj i ri yjesh variabël — Zbulohet një tip komplet i ri yjesh duke vëzhguar variacionet në ndriçim të rendit të minutit

12 Qershor 2013: Duke përdorur teleskopin Zviceran Euler 1.2 metra në Observatorin e ESO-s në Kili, astronomët kanë gjetur një tip të ri ylli variabël. Zbulimi u bazua në detektimin e ndryshimeve shumë të vogla të yjeve në grumbullim. Vëzhgimet zbuluan disa veçori të këtyre yjeve që nuk njiheshin më parë të cilat kundërshtojnë teoritë e sotme dhe ngrenë pyetje mbi origjinën e këtyre variacioneve.
Lexo më shumë
eso1325sq — Publikim shkencor

ALMA Zbulon një Fabrikë Kometash — Vëzhgimet e reja të një zone me pluhur rreth një ylli të ri shpjegojnë misterin e hershëm të formimit të planetëve

06 Qershor 2013: Astronomët duke përdorur Rrjetin e Madh Milimetrik/nënmilimetrik të Atacama-s (ALMA) kanë fotografuar një zonë rreth një ylli të ri, ku grimcat e pluhurit mund të rriten duke u bashkuar me njëra – tjetrën. Kjo është hera e parë ku një re e tillë pluhuri është vëzhguar dhe modeluar me kaq qartësi. Ajo zgjidh misterin e hershëm se si grimcat rriten në pjesëza më të mëdha derisa përfundimisht formojnë kometën, planetet dhe trupa të tjerë shkëmborë. Rezultatet janë publikuar në gazetën shkencore të 7 Qershorit 2013.
Lexo më shumë
eso1324sq — Publikim shkencor

Ekzoplaneti më i vogël i fotografuar deri tani?

03 Qershor 2013: Një skuadër astronomësh duke përdorur Teleskopin shumë të Madh të ESO-s kanë fotografuar një objekt të zbehtë që lëviz pranë një ylli të ndritshëm. Masa e tij llogaritet të jetë rreth 4 deri në 5 herë më të madhe nga ajo e Jupiterit, ai mund të jetë planeti më i vogël që është vëzhguar drejtpërdrejt jashtë Sistemit Diellor. Zbulimi është një kontribut i rëndësishëm për kuptimin tonë rreth formimit dhe evolimit të sistemeve planetare.
Lexo më shumë
eso1323sq — Publikim shkencor

Dietë me pak natrium shumë e rëndësishme për yjet e vjetër — Vëzhgimet e reja të VLT-së shkaktojnë ndryshime të mëdha tek teoritë yjore

29 Maj 2013: Astronomët presin që yjet si Dielli jonë do ta çlirojnë shumicën e atmosferës së tyre në hapsirë afër fundit të jetës së tyre. Por vëzhgimet e fundit të një grumbulli gjigand të bërë me Teleskopin Shumë të Madh të ESO-s kanë treguar – në kundërshtim me të gjithë parashikimet – që shumica e yjeve nuk arrijnë në atë fazë. Skuadra ndërkombëtare gjeti se sasia e natriumit tek yjet është një mjet matës perfekt për të gjetur se si do ta mbyllin jetën e tyre yjet.
Lexo më shumë
  1 | 2 Tjetra »
duke e shfaqur 1 tek 20 të 35


Përdorimi i Fotografive dhe videove të ESO-s
Bookmark and Share

Shih dhe