Tilkynningar

ann14080-is — Tilkynning
Vefur ESO endurhannaður
21. október 2014: Eftir nokkurra vikna vinnu hefur ný hönnun á vefsíðu ESO litið dagsins ljós. Helsta markmið breytinganna var að gera viðmót síðunnar notendavænni og snjallari. Nýja hönnunin aðlagar sig þar af leiðandi sjálfkrafa að skjáupplausninni sem notandinn hefur en þessi tækni er algeng í dag þar sem margir nota snjallsíma og spjaldtölvur til að vafra um á netinu. Markmið var að hanna þægilegri vefsíðu með betra og fallegra útliti. Það gerir okkur hjá ESO kleift að birta upplýsingar um stjörnustöðvarnar og niðurstöður frá þeim eins vel og kostur er. Með nýju hönnuninni verður vefur ESO ekki eins stofnanalegur í útliti, heldur í stíl við veflæg eða rafræn tímarit. Á þetta sérstaklega við um endurhönnunina á vefsíðunum sem geyma fréttatilkynningar og tilkynningar. Þannig verður auðveldara að leggja áherslu á þær ótal mörgu uppgötvanir og þær glæsilegu ljósmyndir sem koma nánast daglega frá ESO. Nýja viðmótið er snertivænt, bæði hvað útlit og gagnvirkni ...
ann13036-is — Tilkynning
ESOcast 56: Risar í eyðimörkinni
29. apríl 2013: Í nýjasta vefþætti ESOcast fjöllum við um nokkuð stórt vandamál: Hvernig flytur maður 100 tonna risaloftnet ALMA næstum 30 kílómetra upp í háfjallaloftið á Chajnantor hásléttuna í 5.000 metra hæð yfir sjávarmáli og það með millímetra nákvæmni? Sem betur fer höfum við Otto og Lore, flutningabíla ALMA, til taks. Allt við þá er stórt: Þeir eru 20 metra langir, 10 metra breiðir, vega 130 tonn hvor, hafa 700 hestafla vélar og ná mest 20 kílómetra hraða á klukkustund. Otto og Lore eru færanlegar risavélar. Otto og Lore eru hins vegar ekki aðeins risavélar, heldur líka hárnákvæm tæki sem færa tilstærsta stjörnusjónauka jarðar með millímetra nákvæmni. Smelltu á hlekkinn til að horfa á ESOcast 56 og sjáðu þessa risa að störfum. Frekari upplýsingar ESOcast er vefvarpsþáttaröð sem helguð er nýjustu fréttum af rannsóknum ESO, Stjörnustöðvar Evrópulanda á suðurhveli. Þú getur gerst áskrifandi að vefvarpinu okkar og þannig fengið nýjustu fréttir af ...
ann13026-is — Tilkynning
Ný fræðslumynd: ALMA — In Search of Our Cosmic Origins
13. mars 2013: Í tilefni af vígslu Atacama Large Millimeter/submillimeter Array (ALMA) [1] þann 13. mars 2013 hefur ESO, í samvinnu við alþjóðlega samstarfsaðila sína, gefið út nýja fræðslumynd sem nefnist ALMA — In Search of Our Cosmic Origins. Í þessari 16 mínútna löngu mynd er sögð saga ALMA, allt frá fyrstu stigum verkefnsins fyrir nokkrum áratugum til fyrstu vísindaniðurstaðna. Myndin er ríkulega skreytt glæsilegum myndskeiðum teknum úr þyrlu og tónlist sem Toomas Erm (ESO) samdi sérstaklega fyrir hana. Þú ferð í ferðalag upp á Chajnantor hásléttuna í 5.000 metra hæð yfir sjávarmál þar sem heimili ALMA er að finna í einstöku umhverfi Atacamaeyðimerkurinnar í Chile. Í myndinni er sögð saga verkefnisins frá upphafi, þegar Evrópa, Norður Ameríka og austur Asía þróuðu sameiginlega nýjan, stóran sjónauka til mælinga á millímetra og hálfsmillímetra bylgjulengdum til að kanna köldustu og fjarlægustu fyrirbærin í alheiminum. Einnig er sagt frá leitinni að heppilegum stað undir sjónaukann og ...
ann13016-is — Tilkynning
Bein útsending frá vígslu ALMA
1. mars 2013: Þann 13. mars 2013 fer fram vígsluathöfn Atacama Large Millimeter/submillimeter Array (ALMA) — stærsta stjarnvísindaverkefni heims á jörðu niðri — og markar hún breytinguna úr sjónauka smíðum yfir fullstarfhæfa stjörnustöð. Til að gera fólki um allan heim kleift að fylgjast með þessum merku tímamótum í viðleitni mannkynsins til að skilja alheiminn, verður athöfnin sýnd í beinni útsendingu frá þjónustumiðstöð stjörnustöðvarinnar sem er í 2.900 metra hæð yfir sjávarmáli í Andesfjöllum Chile. Vefútsendingin stendur yfir frá kl. 14:30 til 16:00 eða svo. Hægt verður að fylgjast með útsendingunni á http://www.almaobservatory.org/inauguration. Á staðnum verða Sebastián Piñera, forseti Chile, auk mörg hundruð gesta þar á meðal fulltrúar vísindasamfélagsins, fyrrverandi og núverandi starfsmenn og yfirmenn ALMA, sem og fulltrúar frá samfélaginu í grennd við ALMA. Nýjustu vísindaniðurstöður frá stjörnustöðinni verða líka kynntar. Frekari upplýsingar Atacama Large Millimeter/submillimeter Array (ALMA) er fjölþjóðleg stjörnustöð og samstarfsverkefni Evrópu, Norður Ameríku og Austur Asíu í samvinnu við Chile. ...
ann13003-is — Tilkynning
ESOcast 52: Stjörnuregn!
15. janúar 2013: Milli 14. og 16. desember 2012 setti loftsteinadrífan Geminítar upp glæsilega sýningu yfir Paranal stjörnustöð ESO í Chile. Á meðan loftsteinunum rigndi yfir stjörnustöðina tók Gianluca Lombardi, einn af ljósmyndurum ESO, myndir af sjónarspilinu í meira en 40 klukkustundir. Geminítar er loftsteinadrífa sem virðist stefna frá stjörnumerkinu Tvíburunum. Drífan verður þegar jörðin plægir sig í gegnum slóð smástirnisins 3200 Phaethon en það gerist einu sinni á ári, í desember. Agnir úr rykslóðinni meðfram braut Phaethon brenna upp í lofthjúpnum svo úr verða skærar, hraðfleygar ljósrákir sem eru einkennandi fyrir loftsteinadrífur. Þetta er annar hluti Chile Chill þáttaraðar ESOcast þar sem hugmyndin er að kalla fram rólegt andrúmsloft undir ótalsettu myndefni af næturhimninum yfir Chile og stjörnustöðvum ESO. Sjá má Very Large Telescope (VLT) í Paranal skjóta leysigeisla upp í himininn til að útbúa gervistjörnu sem hjálpar sjónaukanum að ná mjög skýrum myndum. Litlir loftsteinar sjást blikka á himninum og sumir ...
ann12100-is — Tilkynning
Fylgst með þvergöngu Venusar í tunglskininu
14. desember 2012: Þann 6. júní 2012 gekk Venus fyrir sólina frá jörðu séð og birtist sem svartur blettur á skífu sólar. Næst sést þverganga Venusar ekki fyrr en 5. desember 2117. Þverganga þessa árs sást ekki frá stjörnustöðvum Chile því sólin var undir sjóndeildarhring. Þrátt fyrir það nýtti hópur ítalskra stjörnufræðinga undir forystu Paolo Molaro við Instututo Nazionale di Astrofisica við Trieste háskóla, tækifærið og gerði óvenjulega og krefjandi tilraun með því að skoða sólarljósið sem endurkastaðist af tunglinu, til að sjá hvernig það breyttist á meðan þvergangan stóð yfir. Mælingarnar voru gerðar með High Accuracy Radial Velocity Planet Searcher (HARPS) litrófsritanum á 3,6 metra sjónauka ESO í La Silla í Chile og gætu hjálpað stjörnufræðingum að finna reikistjörnur á braut um fjarlægar stjörnur. Stjörnufræðingarnir hafa birt niðurstöður sínar í tímaritinu Monthly Notices of the Royal Astronomical Society. Frekari upplýsingar Sagt er frá þessu í greininni „Detection of the Rossiter–McLaughlin effect in ...
ann12099-is — Tilkynning
Samantekt time-lapse myndskeiða af ALMA birt
12. desember 2012: Samantekt „time-lapse“ myndskeiða af Atacama Large Millimeter/submillimeter Array (ALMA) hefur verið birt. Myndskeiðið er safn „time-lapse“ myndefnis af ALMA í Atacamaeyðimörkinni í norðurhluta Chile og sýnir samræmdan dans loftnetanna þegar þau rannsaka heiðskíran næturhimininn fyrir ofan. Myndskeiðið er nokkrar mínútur og sýnir loftnetin við ýmsar aðstæður: Þegar nóttin hellist yfir og við dögun, undir tunglsljósi eða fyrir framan miðju Vetrarbrautarinnar glitrandi á dimmum himni og innan um ljós frá farartækjum og loftnetunum sjálfum. Athuganirnar eru gerðar undir tignarlegum næturhimninum í Chile. Í samantektinni, sem ESO gerði með myndefni frá Christoph Malin (christophmalin.com), Babak Tafreshi (twanight.org) og José Francisco Salgado (josefrancisco.org), ljósmyndurum ESO, sést aðeins lítill hluti af loftnetum raðarinnar. Þegar smíði ALMA lýkur mun sjónaukinn samanstanda af 66 loftnetum sem dreifast yfir allt að 16 kílómetra breitt svæði og verður hann þá stærsti sjónauki veraldar. Þótt sjónaukinn sé ekki tilbúinn sem stendur hefur röðin að hluta til verið tekin í ...
ann12070-is — Tilkynning
Heimildarmyndin Europe to the Stars komin út
4. október 2012: Heimildarmyndin Europe to the Stars er komin út. Hægt er að sækja hana ókeypis á vefnum eða kaupa eintak af henni. Í myndinni er fjallað um fyrstu 50 árin í rannsóknum ESO á suðurhimninum. Þetta hófst allt árið 1962 þegar ESO sáttmálinn var undirritaður — hápunkturinn í draumi fremstu stjörnufræðinga fimm Evrópuríkja, Belgíu, Frakklands, Þýskalands, Hollands og Svíþjóðar. Fimmtíu árum seinna hafa þessir draumar orðið að veruleika þökk sé staðfestu ESO við ætlunarverkið. Europe to the Stars er sagan af þessu ævintýri — saga um forvitni, hugrekki og elju. Saga um uppgötvanir á dýpstu ráðgátum og leyndardómum alheimsins og saga um hönnun, smíði og rekstur öflugustu stjörnusjónauka á jörðinni. Myndinni er skipt í átta kafla [1] en í hverjum þeirra er athyglinni beint að mikilvægum þætti í sögu ESO. Í Europe to the Stars er fjallað um stofnun ESO og útskýrt hvernig sjónaukar eru smíðaðir og starfræktir en með myndinni ...
ann12069-is — Tilkynning
ESOcast 48: Að smíða stórt
2. október 2012: Í október 2012 heldur ESO upp á 50 ára afmæli sitt en þangað til munum við sýna átta aukaþætti af ESOcast. Hver þáttur er kafli úr heimildarmyndinni Europe to the Stars — ESO’s First 50 Years of Exploring the Southern Sky. Áttundi og síðasti þátturinn í þessari röð skýrir frá því hvernig ESO mun fullnægja óskum stjörnufræðinga með smíði sífellt stærri sjónauka sem byggja á þeirri reynslu sem aflað hefur verið undanfarin fimmtíu ár sem öflugasta stjörnustöð heims. Á Chajnantor hásléttunni er fyrsti sjónaukinn í næstu kynslóð sjónauka ESO næstum tilbúinn. Atacama Large Millimeter/submillimeter Array (ALMA), samstarfsverkefni Evrópu, Norður Ameríku og Asíu, mun samanstanda af 66 hárnákvæmum loftnetum þegar hann verður tekinn í fulla notkun árið 2013. Loftnetin mynda einn risasjónauka sem gerir ALMA kleift að greina fínustu smáatriði í hinum kalda alheimi, sjá myndun fyrstu vetrarbrautanna og skyggnast inn í rykský úr sameindagasi — stjörnumyndunarsvæði þar sem nýjar stjörnur ...
ann12057-is — Tilkynning
ESOcast 47: Í leit að lífi
3. september 2012: Í október 2012 heldur ESO upp á 50 ára afmæli sitt en þangað til munum við sýna átta aukaþætti af ESOcast. Hver þáttur er kafli úr heimildarmyndinni Europe to the Stars — ESO’s First 50 Years of Exploring the Southern Sky. Í þessum aukaþætti — ESOcast 47 — skoðum við eina mikilvægustu leit sem stjörnufræðingar hafa lagt í undanfarnar aldir: Leitina að lífi í alheiminum. ESO hefur leikið mikilvægt hlutverk í þessari merku vegferð. 3,6 metra sjónauki ESO hefur náð einna mestum árangri í leitinni að fjarreikistjörnum. Með HARPS litrófsritanum á honum hafa stjörnufræðingar fundið meira en 150 reikistjörnur. Very Large Telescope (VLT) hefur einnig lagt sitt af mörkum til rannsókna á fjarreikistjörnum. Sem dæmi tóku stjörnufræðingar fyrstu ljósmyndina af reikistjörnu utan okkar sólkerfis árið 2004 (eso0428). Það sem meira er hefur stjörnufræðingum líka tekist að greina lofthjúp risajarðar, reikistjörnunnar GJ 1214b sem er 2,6 sinnum stærri en jörðin. Þeim ...
ann12055-is — Tilkynning
Enn skarpari mynd af alheiminum
24. ágúst 2012: Uppfærð útgáfa á hinu vinsæla ESO Top 100 Images appinu er nú fáanleg í iTunes. Með þessari nýju útgáfu, sem kemur út skömmu fyrir 50 ára afmæli ESO, eru kostir retina skjásins og fjögurra kjarna grafíkurinnar í þriðju kynslóð iPad nýttir. Appið er ókeypis og breytir iPad-inum þínum í glugga að alheiminum sem gerir notendum kleift að skoða og njóta 100 glæsilegra ljósmynda af fjarlægum vetrarbrautum og geimþokum, tignarlegu eyðimerkurlandslagi að nóttu til og öflugustu sjónaukum veraldar. Myndirnar eru glæsilegri en nokkru sinni fyrr þökk sé hnífskarpa retina skjánum (sem inniheldur milljón fleiri pixla en háskerpusjónvarp). Öllum myndum fylgja skýringartextar en þær eru stöðugt uppfærða til að halda í við flæði nýrra og glæsilegra mynda frá háþróuðustu sjónaukum heims sem ESO starfrækir í Atacamaeyðimörkinni. Auðvelt er að sækja myndirnar og koma fyrir í bakgrunni iPadsins. Af öðrum nýjungum má nefna atriðaskrá sem gerir notendum kleift að hoppa yfir í tilteknar ...
ann12053-is — Tilkynning
ESOcast 46: Að fanga ljósið
1. ágúst 2012: Í október 2012 heldur ESO upp á 50 ára afmæli sitt en þangað til munum við sýna átta aukaþætti af ESOcast. Hver þáttur er kafli úr heimildarmyndinni Europe to the Stars — ESO’s First 50 Years of Exploring the Southern Sky. ESOcast 46 er sjötti þátturinn í þessari röð. Í honum er sagt frá fyrsta flokks myndavélum og litrófsritum sem hjálpa öflugum sjónaukum ESO að safna og greina dauft ljósið úr víðáttum alheimsins. Án þessara tækja væru augu ESO á himninum blind. Stjörnuljósmyndir nútímans eru gerólíkar þeim sem teknar voru upp úr 1960. Þá notuðu stjörnufræðingar stórar ljósmyndaplötur úr gleri sem voru ekki mjög næmar og erfitt að meðhöndla. Í dag nota sjónaukar ESO marga af stærstu og næmustu rafeindanemum í heiminum. Þeir fanga næstum hverja einusu ljóseind og draga fram allar mögulegar upplýsingar. Til dæmis hefur OmegaCAM myndavélin á VLT Survey Telescope 32 ljósnema sem hefur verið staflað saman ...
ann12052-is — Tilkynning
ESO gefur út The Messenger nr. 148
30. júlí 2012: Nýjasta hefti tímarits ESO The Messenger, sem kemur út ársfjórðunslega, er nú aðgengilegt á vefnum. Í blaðinu er sagt frá því nýjasta frá ESO en umfjöllunarefnin eru allt frá nýjum sjónaukum og tækjum til nýjustu uppgötvana. Það sem ber hæst er: Grein um framgang European Extremely Large Telescope (E-ELT) verkefnisins.  Lýsing á POPIPIaN, ljósmyndaskrá af nýuppgötvuðum hringþokum á suðurhveli.  Umfjöllun um rannsóknir á massamiklum stjörnum handan Magellansskýjanna með X-shooter litrófsritanum.  Sagan á bak við notkun á endurnýjanlegri orku í Paranal stjörnustöðinni.
ann12050-is — Tilkynning
ESOcast 45: Útbreiðslustarf
2. júlí 2012: Í október 2012 heldur ESO upp á 50 ára afmæli sitt en þangað til munum við sýna átta aukaþætti af ESOcast. Hver þáttur er kafli úr heimildarmyndinni Europe to the Stars — ESO’s First 50 Years of Exploring the Southern Sky. ESOcast 45 — Útbreiðslustarf — er fimmti þátturinn í þessari röð. Í honum er kastljósinu beint að boðskap ESO um forvitni, undrun og innblásturs sem miðlað er í gegnum samvinnu og útbreiðslustarf. Samvinna hefur enda ætíð lagt grunninn að árangri ESO frá því að samtökin voru stofnuð fyrir fimmtíu árum. Saman tryggja aðildarríkin bestu mögulegu stjarnvísindarannsóknir í stærstu stjörnustöðvum heims. ESO starfar náið með iðnaði, háskólum og rannsóknastofnunum um allan heim við þróun á tækni í hæsta gæðaflokki. Og með því að efla áhuga almennings býður ESO upp á fjölmargar leiðir til að uppgötva alheiminn og býður öllum að taka þátt í þessu spennandi ævintýri. Horfðu á þáttinn til ...
ann12049-is — Tilkynning
Ársskýrsla ESO árið 2011 komin út
2. júlí 2012: Ársskýrsla ESO fyrir árið 2011 er komin út. Í henni er greint frá því helsta sem Stjörnustöð Evrópulanda á suðurhveli gerði á síðasta ári, þar á meðal: Greint frá markverðustu rannsóknum stjörnustöðva ESO, nýjustu niðurstöðum rannsókna á fjarreikistjörnum og myndun reikistjarna; rannsóknum á miðju okkar vetrarbrautar, virkum vetrarbrautakjörnum, fyrstu stjörnunum og endurjónun í alheiminum. Samantekt af helstu rannsóknum sjónauka ESO.  Staðan á mælitækjum til stjörnufræðirannsókna í La Silla Paranal stjörnustöðinni, nákvæm lýsing á nýjum mælitækjum og uppfærslum.  Nýjustu fréttir frá Atacama Large Millimeter/submillimeter Array (ALMA) og European Extremely Large Telescope (E-ELT) verkefnunum.
ann12048-is — Tilkynning
Sjálfvirkur Marsjeppi prófaður í Paranal stjörnustöð ESO
20. júní 2012: Þegar ESA, Geimvísindastofnun Evrópu, vildi prófa hugmyndir fyrir Marsjeppa framtíðarinnar þurfti landslag sem var eins líkt Mars og mögulegt var. Atacamaeyðimörkin í norður Chile, þar sem Paranal stjörnustöð ESO er til staðar, passaði fullkomlega. Ekki er unnt að aka jeppum á Mars með beinum hætti frá jörðinni — útvarpsmerki eru allt að 40 mínútur að berast til og frá Mars. Þess í stað er þeim sendar leiðbeiningar sem þeir framkvæma síðan sjálfstætt. Marsjeppar nútímans fara fremur hægt yfir og reglulega þarf að senda þeim uppfærslur frá jörðinni. Fyrir skömmu vann teymi frá ESA að tilraunum sem munu gera jeppum framtíðarinnar að ferðast miklu lengra upp á eigin spýtur. Í Paranal stjörnustöð ESO fékk tilraunateymið húsaskóla og aðstöðu fyrir bæði hópin og tækin á köldum og vindasömum nóttum. Í tvær vikur var frumgerð af jeppa sem kallast Seeker ekið um svæði skammt frá VLT og líkist Mars nokkuð mikið. Teymið fylgdist ...
ann12047-is — Tilkynning
23. hefti Science in School komið út!
18. júní 2012: Nýjasta hefti tímaritsins Science in School, sem dreift er ókeypis, er nú aðgengilegt í net- og prentútgáfu. Þetta evrópska tímarit er helgað vísindakennurum og inniheldur fjölmargar áhugaverðar greinar og verkefni fyrir nemendur. Í 23. hefti tímaritsins er fjallað um mörg spennandi viðfangsefni, þar á meðal verkefni í vísindakennslu þar sem nemendur geta smíðað sína eigin útvarpssjónauka eða jarðskjálftamæla og lært um sól- og tunglmyrkva. Fjallað er um vísindi í fremstu röð í greinum um rannsóknir á því hvernig krabbamein myndast þegar litningar eru rifnir í sundur og hvers vegna sumir fæðast með einkenni beggja kynja. Í öðrum greinum er útskýrt hvernig sólarrafhlöður bjóða upp á aðra orkulind, grein um reynslu kennara sem heimsóttu CERN, sýnt hvernig stærðfræði leynist víða þar sem maður býst ekki endilega við því og útskýrir hvernig leiðangur til Suðurheimskautsins gæti hjálpað til við skipulagningu mannaðrar Marsferðar. Science in School er gefið út af EIROforum, samstarfsverkefni átta ...
ann12046-is — Tilkynning
Serge Brunier, stjörnuljósmyndarinn heimsþekkti, bloggar í beinni frá stjörnustöðvum ESO
18. júní 2012: Serge Brunier, stjörnuljósmyndarinn heimsþekkti og ljósmyndari ESO, er kominn aftur til stjörnustöðva ESO í Chile og mun að þessu sinni deila reynslunni í gegnum blogg sem vefsíðan Skypix Science et Vie hýsir. Bloggin eru bæði á ensku og frönsku. Einnig er hægt að fylgjast með ævintýrum Serge á Twitter með því að leita að auðkenninu #ESOlive. Serge var í La Silla stjörnustöðinni sem er í útjaðri Atacamaeyðimerkurinnar, um 600 km norður af Santiago, höfuðborg Chile, í 2.400 metra hæð yfir sjávarmáli. Þar starfrækir ESO nokkra afkastamestu 4 metra sjónauka í heiminum. Frá La Silla liggur leið Serges lengra norður í Chile til Paranal stjörnustöðvarinnar þar sem Very Large Telescope er að finna og til Cerro Armazones, sem er skammt frá en þar mun ESO byggja European Extremely Large Telescope — stærsta auga jarðar.
ann12041-is — Tilkynning
ESOcast 44: Alheimur í öðru ljósi
5. júní 2012: Í október 2012 heldur ESO upp á 50 ára afmæli sitt en þangað til munum við sýna átta aukaþætti af ESOcast. Hver þáttur er kafli úr heimildarmyndinni Europe to the Stars — ESO’s First 50 Years of Exploring the Southern Sky. ESOcast 44 — Alheimur í öðru ljósi — er fjórði þátturinn í þessari röð. Allt frá stofnun ESO fyrir fimmtíu árumhafa samtökin stórbætt þekkingu okkar á alheiminum með nýjum kynslóðum sjónauka. En fleiri leiðir eru til að safna ljósi frá fjarlægum fyrirbærum. Í þessum þætti skoðum við hvernig ESO hefur hjálpað stjörnufræðingum að kanna alheiminn á lengri bylgjulengdum eins og í innrauðu ljósi og á útvarpssviðinu. Mannsaugað greinir aðeins lítinn hluta rafsegulrófsins. Augu okkar greina ekki ljós með lengri bylgjulengdir en rauðar eða styttri en fjólubláar. En með því að rannsaka himingeiminn á lengri bylgjulengdum geta stjörnufræðingar skoðað fyrirbæri sem eru of köld til að gefa frá sér sýnilegt ...
ann12039-is — Tilkynning
Tólfta hefti Communicating Astronomy with the Public komið út
31. maí 2012: Tólfta hefti Communicating Astronomy with the Public (CAPjournal), ókeypis, ritrýnds tímarits fyrir fólk sem starfar við vísindamiðlun, er nú aðgengilegt á vefnum. Meðal þess sem ber hæst í þessu hefti er umfjöllun um ýmis tól sem sérfræðingar í vísindamiðlun nota til að mæla hversu vel þeir ná til markhópsins — hvernig þeir vita hvað virkar, með öðrum orðum. Í annarri grein er fjallað um Mars Crowdsourcing Experiment, verkefni þar sem kannað er hvort tölvuleikjaspilarar geti stutt við vísindarannsóknir með því að merkja svæði á yfirborði Mars. Í þessu hefti er einnig grein um Multiverso verkefnið en í því leiða saman hesta sína stjörnufræðingur og tónlistarmaður með það markmið að auka áhuga fólks á stjörnufræði. Frá því síðla árs 2009 hefur verkefnið náð til tugþúsunda manna á Spáni með ýmsum hætti, til dæmis í gegnum plötuútgáfu og tónleika.
Niðurstöður 1 til 20 af 38