Erasure stefnir til stjarnanna með ESO

12. mars 2012

Smelltu til að stækka

Erasure, breska „synthpop“ hljómsveitin fræga, birti í dag myndband við nýjustu smáskífu sína — Fill Us With Fire (ESO 50th Anniversary Exclusive) sem tileinkað er 50 ára afmæli ESO. Í myndbandinu kemur Very Large Telescope við sögu og nokkrar af glæsilegustu myndum ESO af næturhimninum. Þetta er þriðja og síðasta smáskífan af Tomorrow’s World, nýjustu plötu sveitarinnar sem kom út árið 2011.

Hugmyndin varð til þegar Andy Bell, aðalsöngvari sveitarinnar, heimsótti stjörnustöðina. Stjörnustöðin er heimili Very Large Telescope (VLT) og situr á 2.600 metra háum fjallstindi í Atacamaeyðimörkinni í norðurhluta Chile. Þar er glæsilegt útsýni til allra átta yfir víðerni eyðimerkurinnar í kring og vitaskuld upp í næturhimininn. Andy heillaðist af þessari glæsilegu náttúru og óskaði eftir að fá að taka upp á meðan hann var á staðnum.

Andy varði einum degi á Paranal í febrúar 2012 og tók á þeim tíma upp myndefni af honum flytja nýjustu smáskífu Erasure. Myndefnið var síðan klippt til með nokkrum af bestu stjörnuljósmyndum ESO. Andy var himinlifandi með útkomuna og ákvað að gera hana að opinberu myndbandi lagsins og tileinka það 50 ára afmæli ESO.

Tenglar

Vefsíða Erasure

Tengiliðir

Sævar Helgi Bragason
University of Iceland
Reykjavík, Iceland
Farsími: +354-896-1984
Tölvupóstur: eson-iceland@eso.org

Lars Lindberg Christensen
Head, ESO education and Public Outreach Department, Garching, Germany
Tel: +49-89-3200-6761
Cellular: +49-173-3872-621
E-mail: lars@eso.org

Mathieu Isidro
ESO, education and Public Outreach Department
Santiago, Chile
Tel: +56 2 463 3261
Email: misidro@eso.org

Notkun á myndum og myndskeiðum ESO