Helmingurinn kominn: 33 loftnet ALMA á Chajnantor

Þann 12. maí 2012 var enn eitt lofnet ALMA flutt upp á hina 5.000 metra háu Chajnantor sléttu og urðu loftnetin þá í heild 33 talsins. Þar með hefur helmingi loftneta ALMA verið komið fyrir en í heild verða þau 66 þegar yfir lýkur árið 2013.

Loftnet ALMA eru í hæsta gæðaflokki. Hvert og eitt vegur um 100 tonn svo sérsmíðaða flutningabíla þarf til að flytja þau frá þjónustumiðstöðinni upp í stjórnstöðina, sem er hærra uppi. Bílarnir tveir auk 25 loftneta af 66 eru meðal þess sem ESO leggur af mörkum til verkefnisins.