Veldu þitt tungumál:

• Nederlands
• Français
• Deutsch

• Français
• Deutsch
• italiano

Sykursameindir í gasi umhverfis unga stjörnu á borð við sólina

Smelltu til að stækka

Hópur stjörnufræðinga hefur fundið glýkólaldehýð — einfalt form af sykri — í gasþoku í kringum ungt tvístirni sem er álíka massamikið og sólin og kallast IRAS 16293-2422. Þetta er í fyrsta sinn sem sykur finnst í geimnum umhverfis slíka stjörnu. Uppgötvunin sýnir að byggingareiningar lífs eru á réttum stað á réttum tíma til þess að reikistjörnur, sem eru að myndast í kringum stjörnuna, geti innihaldið þær. Stjörnufræðingarnir fundu sameindirnar með Atacama Large Millimeter/submillimeter Array (ALMA).

Á myndinni sést Ró Ophiuchi stjörnumyndunarsvæðið í innrauðu ljósi eins og það kemur Wide-field Infrared Explorer (WISE) gervitungli NASA fyrir sjónir. IRAS 16293-2422 er rauða fyrirbærið í miðju litla ferhyrningsins. Innfelda myndin er teikning af glýkólaldehýðssameindum og sýnir sameindabyggingu þess (C₂H₄O₂). Kolefnisatóm eru sýnd grá, súrefnisatóm rauð og vetnisatóm hvít.

Á innrauðri mynd WISE af Ró Ophiuchi sýna bláu og blágrænu litirnir ljós með 3,4 og 4,6 míkrómetra bylgjulengd sem berst aðallega frá stjörnunum. Grænu og rauðu litirnir sýna ljós með 12 og 22 míkrómetra bylgjulengdir sem kemur að mestu frá ryki.

Mynd/Myndskeið: