Mynd vikunnar 2012

Gerstu áskrifandi að fréttapóstlista
potw1211-is — Mynd vikunnar
Ryksnævi í Atacamaeyðimörkinni
12. mars 2012: Hvolf Very Large Telescope baða sig í sólinni enn einn góðan veðurdag á tindi Cerro Paranal í Chile. En eitt er óvenjulegt við þessa mynd: Fína snjólagið sem lagst hefur yfir eyðimerkurlandslagið. Mjöllin er sjaldséð sjón í Atacamaeyðimörkinni þar sem ofankoma verður nánast aldrei. Nokkrir náttúrulegir þættir leiða til þeirra þurru aðstæðna sem ríkja í Atacama. Í fyrsta lagi vetir Andesfjallgarðurinn skjól fyrir úrkomu úr austri og strandlengja Chile í vestri. Í öðru lagi ber kaldi Humboldt hafstraumurinn í Kyrrahafinu með sér kalt loft sem liggur við ströndina og kemur í veg fyrir að regndropar myndist og í þriðja lagi er háþrýstisvæði viðvarandi í suð-austur Kyrrahafi sem hjálpar til við að halda loftslagi Atacama þurru. Fyrir vikið er eyðimörkin einn þurrasti staður jarðar! Í Paranal er dæmigerð ársúrkoma aðeins örfáir millímetrar á ári. Rakastigið fer oft á tíðum undir 10% og hitastigið er alla jafna milli –8 og 25 gráður ...
potw1210-is — Mynd vikunnar
Gluggi inn í fortíðina — Breytingar á La Silla í gegnum tíðina
5. mars 2012: Á þessu ári fagnar ESO fimmtíu ára afmæli sínu. Til að fagna því sýnum við ykkur svipmyndir af sögu okkar. Einu sinni í mánuði árið 2012 verður mynd vikunnar tileinkuð sérstökum „þá og nú“ samanburði sem sýnir hvernig hlutirnir hafa breyst undanfarna áratugi í La Silla og Paranal stjörnustöðvunum, skrifstofum ESO í Santiago í Chile og höfuðstöðvunum í Garching bei München í Þýskalandi. Hér gefur að líta tvær ljósmyndir af La Silla. Sú eldri var tekin í júní árið 1968 en sú nýrri fyrir skömmu en báðar frá vatnsgeymi stjörnustöðvarinnar þar sem gott útsýni er yfir svæðið. Þú getur skoðað breytingarnar á gagnvirkan hátt með því að smella á línuna og færa bendilinn eftir myndinni. Á eldri myndinni eru bráðabirgðabústaðir í forgrunni. Sjónaukarnir þrír í bakgrunni eru, frá vinstri til hægri, Grand Prism Objectif (GPO sem tekinn var í notkun árið 1968), eins metra sjónauki ESO (tekinn í notkun árið ...
potw1209-is — Mynd vikunnar
Að snúa sér í gang
27. febrúar 2012: Á þesari óvenjulegu ljósmynd sést einn af fjórum sjónaukum Very Large Telescope ESO á því augnabliki sem hann tók til starfa. Lýsingartími myndarinnar var 26 sekúndur en á þeim tíma náði Gerhard Hüdepohl, ljósmyndari ESO, að fanga augnablikið þegar hvolfið var opnað og og byrjar að snúast. Út um opið á hvolfþakinu sést hluti Atacamaeyðimerkurinnar undir dimmbláum himninum, skömmu eftir sólsetur. Sjónaukinn sjálfur sést kyrrstæður á miðri mynd. Hann hefur 8,2 metra safnspegil sem hannaður er til að fanga ljós frá fjarlægustu fyrirbærum alheimsins. Hvolfið sjálft er líka verkfræðilegt afrek því það færist með mikilli nákvæmni og hefur vandlega stjórn á heitum loftstraumum sem berast inn og geta truflað mælingarnar. Tenglar Ljósmyndarar ESO
Niðurstöður 41 til 43 af 43
Segðu okkur þitt álit!
Gerstu áskrifandi að ESO News