Snjórinn leggst yfir Atacama eyðimörkina

Atacamaeyðimörkin er einn þurrasti staður heims. Fyrir því liggja nokkrar ástæður. Andesfjallgarðurinn tignarlegi og strönd Chile koma í veg fyrir að ský berist frá austri til vesturs, auk þess sem kaldi Humboldt hafstraumurinn í Kyrrahafinu, sem myndar lag úr svölu lofti við ströndina, að regnský myndist. Þar fyrir utan myndast hæð í suðaustanverðu Kyrrahafi sem hjálpar líka til við að halda Atacamaeyðimörkinni þurri. Þessar þurru aðstæður réðu einna mestu um að ESO ákvað að koma Very Large Telescope (VLT) fyrir á Paranalfjalli í Atacamaeyðimörkinni. Í Paranal stjörnustöðinni á Cerro Paranal er úrkoma venjulega innan við tíu millímetrar á ári og raki oft undir 10%. Aðstæður til stjörnuathugana eru framúrskarandi og heiðskírt meira en 300 nætur á ári.

Örsjaldan kemur fyrir að veðrið trufli þær frábæru aðstæður til stjörnuathugana sem ríkja í Atacamaeyðimörkinni. Stöku sinnum á ári snjóar þó í eyðimörkinni eins og sést á þessari fallegu víðmynd af Cerro Paranal. Á tindinum vinstra megin er VLT en litlu neðar og örlítið til hægri er VISTA kortlagningarsjónaukinn. Himininn er heiðskír eins og venjulega en annað harla óvenjulegt: Þunnt lag af lausamjöll hefur umbreytt eyðimerkurlandslaginu og skapað þetta óvenjulega og fallega útsýni.

Myndina tók Stéphane Guisard, einn af ljósmyndurum ESO, þann 1. ágúst 2011.

Tenglar

Mynd/Myndskeið:

ESO/S. Guisard (www.eso.org/~sguisard)

Bookmark and Share

Um myndina

Auðkenni:potw1309a
Tungumál:is
Tegund:Ljósmynd
Útgáfudagur:Mar 4, 2013, 10:00 CET
Stærð:8337 x 4000 px

Um fyrirbærið

Nafn:Very Large Telescope, Visible and Infrared Survey Telescope for Astronomy
Tegund:• Solar System : Technology : Observatory
• X - Paranal

Image Formats

Stór JPEG
14,7 MB

Þysjanleg


Bakgrunnsmynd

1024x768
359,1 KB
1280x1024
585,3 KB
1600x1200
858,3 KB
1920x1200
1,0 MB
2048x1536
1,4 MB

Sjá einnig