KMOS á Very Large Telescope þegar fyrstu mælingar fóru fram

KMOS tækið á Very Large Telescope í Paranal stjörnustöð ESO í Chile. KMOS er tæki í algjörum sérflokki því með því er hægt að skoða 24 fyrirbæri samtímis í innrauðu ljósi og kanna eiginleika allra í einu. Með tækinu fást nauðsynleg gögn sem hjálpa stjörnufræðingum að skilja hvernig vetrarbrautir uxu og þróuðust í árdaga alheims — miklu hraðar en áður. KMOS er afrakstur samstarfs háskóla og stofnana í Bretlandi og Þýskalandi í samvinnu við ESO.

Á þessari mynd er KMOS silfurlitaða tækið fyrir miðju, umlukið bláum hring sem tengir það við VLT sjónauka 1 sem sést vinstra megin. Hægra megin sést stór silfurlitaður sívalningur sem styður rafkerfi KMOS og gerir þeim kleift að snúast þegar sjónaukinn færist.