Mynd Hubblessjónauka NASA og ESA af rykskífunni í kringum ungu stjörnuna HD 100546

Þessi mynd var tekin með Hubble geimsjónauka NASA og ESA í sýnilegu ljósi af ytri hluta rykskífunnar í kringum ungu stjörnuna HD 100546. Staðsetning frumreikistjörnunnar nýfundnu hefur verið merkt með appelsínugulum bletti.

Á innsta hlutanum sjást gallar í myndinni sem rekja má til stjörnunnar skæru í miðjunni en hún hefur verið fjarlægð stafrænt, svo dökku blettirnir eru ekki raunverulegir.