ALMA staðsetur ungar vetrarbrautir

Hópur stjörnufræðinga hefur notað ALMA (Atacama Large Millimeter/submillimeter Array) sjónaukann nýja til að staðsetja meira en 100 frjósamar hrinuvetrarbrautir frá árdögum alheims.

Bestu myndirnar hingað til af þessum fjarlægu og rykugu vetrarbrautum voru gerðar með Atacama Pathfinder Experiment (APEX) en mælingar hans voru ekki nógu skarpar til þess að greina ótvírætt vetrarbrautirnar á myndum í öðrum bylgjulengdum. ALMA þurfti aðeins að mæla hverja vetrarbraut í tvær mínútur til að staðsetja hverja og eina nákvæmlega á svæði sem er 200 sinnum minna en blettirnir sem APEX hafði greint og með þrisvar sinnum meiri næmni.

Hér sést hluti af þessum vetrarbrautum í nýjum og skörpum mælingum ALMA (rauðar). Mælingar ALMA, sem gerðar voru á hálfsmillímetra bylgjulengdum, hafa verið lagðar ofan á innrauða mynd af svæðinu frá IRAC myndavél Spitzer geimsjónaukans.