Blanda lita og undra

Paranal stjörnustöð ESO er einn besti staður á Jörðinni til að njóta næturhiminsins.

Babak Tafreshi, einn af ljósmyndurum ESO, tók víðmyndina sem hér sést frá Very Large Telescope ESO (VLT) á tindi Cerro Paranal í Chile.

Á myndinni er sannkölluð litadýrð frá rauðu sólsetrinu upp í rykuga slæðu Vetrarbrautarinnar.

Þrátt fyrir að VLT sé á einum besta stað heims til stjarnvísindarannsókna verður sjónaukinn að yfirvinna bjögun af völdum lofthjúpsins. Það er gert með tækni sem kallast aðlögunarsjóntækni. Stjörnufræðingar geta útbúið gervistjörnu með öflugum leisigeisla — sem her sést stíga upp frá sjónaukanum hægra megin — sem leiðréttir bjögun lofthjúpsins.

VLT er flaggskip evrópskra stjarnvísinda og hefur hrundið af stað gullöld í stjarnvísindarannsóknum með fyrsta flokks tæknibúnaði.