CFBDSIR J214947.2-040308.9, reikistjarna á flandri

Þetta myndskeið sýnir CFBDSIR J214947.2-040308.9 sem er reikistjarna á flandri. Í fyrsta hluta myndskeiðsins birtist reikistjarnan sem dökk skífa í sýnilegu ljósi þar sem hún er sem skuggamynd fyrir framan stjörnuský okkar vetrarbrautar. Þetta er nálægasta fyrirbæri sinnar tegundar við sólkerfið okkar og áhugaverðasta hugsanlega reikistjarna sem fundist hefur á reki hingað til. Það hringsólar ekki um stjörnu og endurvarpar þar af leiðandi ekki neinu ljósi; einungis er hægt að greina daufan innrauðan bjarmann sem það gefur frá sér. Í lokin sjáum við innrauða mynd af fyrirbærinu frammi fyrir miðsvæðum okkar vetrarbrautar eins og þau koma innrauða kortlagningarsjónaukanum VISTA fyrir sjónir. Fyrirbærið sýnist bláleitt á þessari nær-innrauðu mynd vegna þess að metan og aðrar sameindir í lofthjúpnum gleypa löngu innrauðu bylgjulengdirnar að mestu leyti. Fyrirbærið er svo kalt að ef við sæjum það í návigi í sýnilegu ljósi, gæfi það frá sér daufan dimmrauðan bjarma.