Vöxtur geimrykagna í skífunni umhverfis brúna dverginn ISO-Oph 102

Talið er að bergreikistjörnur myndist við handahófskennda árekstra og samlímingu þess sem í fyrstu eru smásæjar agna í efnisskífu umhverfis stjörnu. Þessar agnir eru kallaðar geimryk og svipa til fíns sóts eða sands. Stjörnufræðingar sem notuðu Atacama Large Millimeter/submillimeter Array (ALMA) hafa í fyrsta sinn komist að því, að í útjöðrum rykskífu í kringum brúnan dverg — fyrirbæri sem líkjast stjörnum en eru of lítil þess að skína skært eins og venjulegar stjörnur — eru rykagnir sem eru í kringum millímetri að stærð en slíkar agnir finnast jafnan í þéttari skífum umhverfis nýfæddar stjörnur. Þetta er óvænt niðurstaða sem hefur áhrifa á kenningar um myndun bergreikistjarna á stærð við jörðina og bendir til að bergreikistjörnur séu jafnvel algengari í alheiminum en menn áttu von á.

Þetta myndskeið hefst á víðmynd af hinum glæsilegu miðsvæðum Vetrarbrautarinnar í sýnilegu ljósi. Þysjað er inn að Hró Ophiuchi stjörnumyndunarsvæðinu og að brúna dvergnum ISO-Oph 102 eða Rho-Oph 102. Síðan sést teikning listamanns af efnisskífunni í kringum brúna dverginn en síðan er þysjað inn og sýnt hvernig örlitlar rykagnir rekast og límast saman og mynda stærri agnir.