Þysjað inn að ófæddri risastjörnu

Myndskeiðið hefst á mynd af Vetrarbrautinni okkar og nálgumst við stjörnumerkið Hornmátið. Við sjáum margar stjörnuþyrpingar og glóandi geimþokur en mörg áhugaverðustu fyrirbærin eru falin á bak við þykk rykský og sjást þar af leiðandi aðeins í lengri bylgjulengdum. Að lokum sjáum við nýja mynd af dökka skýinu SDC 335.579-0.292 sem tekin var með Atacama Large Millimeter/submillimeter Array (ALMA). Þessar mælingar hafa gefið stjörnufræðingum bestu myndina hingað til af risastjörnu í mótun.